Mr. Scott, a taxi, a thief, aleng mabait, Devina DeDiva and more thieves

Kagabi, habang bumibili ako ng sabon sa tindahan malapit sa bahay, isang foreigner ang lumapit sa isang aleng malapit sa akin. Ang ale ay naglalagay ng cover sa kotse nya. Naririnig ko ang tinig ng ale pero hindi ko marinig ang sa foreigner. Ang ilan sa mga sinabi ng ale ay, Valle Verde, Pasig, taxi at MOA.

Pinaupo ng ale ang foreigner sa upuan sa labas ng tindahan na aking binibilhan habang inutusan nya ang kanyang tauhan (apparently, may-ari sya ng laundry shop katabi ng tindahan) upang kumuha ng papel at ballpen. Sinabihan nya ang foreigner na gagawa sya ng sketch. Sa mga sumunod na usapan nila ko nabatid na ang foreigner ay sumakay ng taxi mula sa MOA papuntang Valle Verde. Inilagay daw nya ang bag nya sa trunk ng taxi at tinakbuhan ata sya. Nadukutan pa ang pobreng mamang maputi.

Foreigner: This is the first time this happened to me in a taxi. I've learned my lesson. I'll never put my bag in the trunk. This is embarrassing. (kaya siguro bumulong lang sya halos.)
Aleng mabait: I'll make the sketch for you.

Ang ale pagkasabing gagawa sya ng sketch ay tumingin sa akin waring nagtatanong kung paano nga ba pumunta sa Valle Verde. Hindi ko rin alam. Sabi ko na lang taxi tapos dadaan sa EDSA at kakanan sa may Ortigas Ave sa may Robinson's Mall. Sabi ng Ale ah pwede nga daw.

Aleng mabait: What's your name sir?
Foreigner: Scott #@$^&@ (Di ko na lang ilalagay kasi baka ayaw nya malaman -- as if maraming nagbabasa.  I think Mr. Scott *^^#^ is an American. Tunog American ang pangalan. Tinawag nyang taxi ang taxi at hindi cab so he's probably not English).
Aleng mabait: Okay Mr. Scott. I'll give you P150. I think that's enough to reach Valle Verde (sabay tingin sa akin at ako naman ay tumango). Then I'll give you my  number as well and text me tomorrow (di ko alam kung tungkol sa bayad o para malaman nya lang kung nakarating ng maayos si Mr. Scott)
Scott (may pangalan na sya): This is embarrassing but thank you.
Aleng mabait: Why don't I just write mynumber here. I'll not do the sketch anymore (mukha naman kasing hirap na hirap sya simulan e). I'll just go  with  you at the corner and help you call a taxi. I'll give the instructions and I'll also write the plate number.

Hiyang hiya si Mr. Scott sa nangyari. Feeling nya siguro ang tanga tanga nya. Ako rin nahiya kasi isa na namang foreigner ang naisahan ng isa nating kababayan. Hindi ako nahihiya dahil foreigner sya at ang tingin ko sa kanya ay dapat may special treatment. Nakakahiya lang kasi noong umaga lang na yon sigeng pagtatanggol pa ako sa mga Filipino (mga Pinay to be exact). Kasi kung maaalala nyo, isang Devina DeDiva ang nangutya sa mga Pinay ng manalo sa Ms. World 2013 si Maegan Young. Sabi nya na ito ay isang joke. Hindi nya lubos maisip na mananalo ang isang Filipina dahil mga maid ang tingin nya sa mga ito. Angdaming nagtanggol kay sa mga Filipina hindi lamang mga kababayan natin pero maging mga dayuhan rin. Ako rin nakisali na. Kaya parang nakakainis na may mababalitaan kang ilang mga kababayan rin natin ang gumagawa ng masama para madungisan kahit bahagya ang ating bansa. So anong susunod sa maids, ang mga Pinoy ay thieves. Sabagay, hindi naman na katakataka ito kung ang pinakamalaking isyu nga sa bansa ay ang nakawan sa pinakamatataas na pwesto.

image from numerous facebook posts